Latifalar 32 смотреть онлайн в хорошем качестве бесплатно

Latifalar 32

Качество:

Олтин балиқ тутиб олганимда "Ҳамиша пулга кўмилиб юрай”, деб тилак билдиргандим. Шундан бери инкассатор бўлиб ишлаяпман. Маошим озлигини айтмаса, тилагим тўла амалга ошди.

* * *
Агар гўзал қиз сизга жилмайиб тушган суратини совға қилса, кўпам хурсанд бўлманг. Унутманг, у сизга эмас, сураткашга қараб жилмаймоқда.

* * *
Ҳинд киносида кульминацион нуқта: "Аблаҳ, сен менинг ҳаётимни барбод қилдинг. Энди мен сени ўлдираман! Лекин бундан олдин қирқ раққоса, ўн иккита фил ва мен сўнгги қўшиқни айтиб рақсга тушамиз”.

* * *
– Судланувчи, қўшнингизнинг машинасини ўғирлаганингизни тан оласизми?
– Йўқ!
– Судда ёлғон кўрсатма бериш қандай жазога тортилишини биласизми?
– Биламан, ҳарқалай машина ўғирлаганга бериладиган жазодан енгилроқ.

* * *
Оила тинчлиги учун сўз эркинлиги бўлиши лозим. Эр хоҳлаганини гапиради, лекин бари бир хотиннинг айтгани бўлади.

* * *
Қарзимни узиш учун олган қарзимни тўлаш мақсадида қарз олдим...

* * *
Мен жуда омадли инсонман. Бир марта мени машина уриб кетган. У ҳам "Тез ёрдам” машинаси бўлган.

* * *
Ҳеч қачон югурувчи спортчилар билан муштлашмаслик керак. Сен кучли бўлсанг, у қочиб кетади, бари бир етолмайсан. У кучли бўлса, бари бир қочиб қутулолмайсан, етиб олаверади.

* * *
Пул ҳеч қачон кўп бўлмайди. Пул ё кам бўлади ёки йўқ бўлади.

* * *
Аёлларнинг "10 дақиқада тайёр бўламан” дейиши эркакларнинг "10 дақиқада уйда бўламан” дейиши билан баробар.

* * *
Ўғлим сомсанинг гўштини, қизим эса хамирини ейишни яхши кўради. Лекин битта сомсани бўлиб, бирига хамирини, иккинчисига гўштини беришнинг иложи йўқ, икковиям бутун сомсани титкилаб, яхши кўрган жойларини ейишади. Мен иккита сомса сотиб оламан ва болаларимдан қолганидан битта сомса ясаб оламан ҳамда маза қилиб ейман.

* * *
– Ота, тезроқ бу ердан кўчиб кетайлик, бу уйда арвоҳлар бор экан.
– Бу бемаъни гапни сенга ким айтди?
– Хизматкоримиз.
– Тез бўл, ҳозироқ кўчиб кетамиз.
– Нега бунча шошилинч?
– Чунки бизнинг ҳеч қанақа хизматкоримиз йўқ!

* * *
– Нега ҳар хил туфли кийиб олгансан?
– Сотувчилар аҳмоқда, пештахтага туфлининг бир пойини қўйиб қўйсак, ҳеч ким ўғирламайди, деб ўйлашади.